कुवेतमा मृत्यु दण्ड पाएका भारतीय बचाउन नेपालसँग आग्रह

कुवेतमा मृत्यु दण्ड पाएका भारतीय बचाउन नेपालसँग आग्रह

एक नेपाली युवतीको हत्या आरोपमा कुवेतको अदालतले मृत्यु दण्डको फैसला सुनाएका एक भारतीय नागरिकको ज्यान बचाइदिन भारतले नेपाल सरकारसमक्ष अनुरोध गरेको छ ।
मृत्युदण्ड सुनाइएका भारतीय नागरिक सौकत थिकासेरीलाई बचाउन भारतीय सरकारका एक मन्त्रीले नेपालका श्रम तथा यातायात व्यवस्था मन्त्री रमेश लेखकलाई एक पत्रमार्फत अनुरोध गरेको बुझिएको छ।समुन्द्रपार मामिलासम्बन्धी भारतीय मन्त्री भयालार रविले हालै मन्त्री लेखकलाई एक पत्र पठाई सरकारका तर्फबाट पहल गरिदिन आग्रह गरेको बताइएको छ।प्राप्त समाचारअनुसार कुवेतको एक घरमा कामदारका रुपमा कार्यरत नेपाली युवती जमुना थापाको हत्या आरोपमा सौकतलाई त्यहाँको अदालतले मृत्यु दण्डको सजाय सुनाएको छ ।
जमुनाको हत्या आरोपमा सौकतलाई त्यहाँको स्थानीय अदालतले मृत्यु दण्डको सजाय सुनाएको बताइएको छ।भारतीय मन्त्री रविले सौकतलाई क्षमादान दिलाउनका लागि मृतक जमुनाको परिवारलाई नेपाल सरकारका तर्फबाट आग्रह दिरिदिन उक्त पत्रमार्फत आग्रह गरिएको छ।
कुवेतको सारी एट अदालतले सौकतलाई हत्यामा दोषी ठहर्‍याउँदै मृत्युदण्डको फैसला सुनाएको छ ।नेपाल सरकारले जुमनाको परिवारमार्फत कुवेतको अदालतमा अनुरोध गरेमा मृत्युदण्डको फैसलामा पुनःविचार हुनसक्ने भएकाले यस्तो अनुरोध गरिएको मन्त्री रविले आफ्नो पत्रमा उल्लेख गरेको स्रोतहरुले जनाएका छन् ।