पेट्रोल वितरण सहज बनाउन जोर विजोरको व्यवस्था

पेट्रोल वितरण सहज बनाउन जोर विजोरको व्यवस्था

सरकारले पेट्रोलियम पदार्थ वितरणको लागि नयाँ व्यवस्था लागू गरेको छ । १३ फागुनबाट शुरु गरिएको व्यवस्था अनुसार जोर नम्बरको सवारी साधनका लागि जोर गते र बिजोर नम्बरका लागि बिजोर गते तोकिएको छ ।
१ बजेदेखि तोकिएको परिमाण र पम्पबाट विक्री वितरण गरिने नेपाल आयल निगमले जनाएको छ । अत्यावश्कीय सेवा लागि नेपाल आयल निगम केन्द्रीय कार्यालयको सिफारिशमा काठमाडौंको टेकुमा रहेको पेट्रोल पम्पबाट इन्धन उपलब्ध गराइने भएको छ ।
आजदेखि मोटसाइकललाई पाँच सय, निजीकारलाई आठसय, ट्याक्सीलाई एक हजार पाँच सय, शैक्षिक संस्थाका सवारी साधनलाई एक हजार रुपियाँ बराबरको तेल उपलब्ध गराइने पनि निगमले जनाएको छ ।
पेट्रोलियम पदार्थ वितरण सहज पार्नका लागि आजदेखि अलग अलग सवारी साधनलाई अलग अलग पम्पबाट तेल उपलब्ध गराइने व्यवस्था पनि गरिएको छ ।