पूर्वी पहाडी जिल्लाहरुमा चुनाव सुरक्षाका लागि प्रहरी लगिने

पूर्वी पहाडी जिल्लाहरुमा चुनाव सुरक्षाका लागि प्रहरी लगिने


संविधानसभा निर्वाचनका लागि पूर्वी पहाडी जिल्लाहरुमा सुरक्षा व्यवस्था कायम गर्न सुरक्षाकर्मीलाई बिहीबारबाट हेलिकोप्टरमा पठाउन सुरु गरिएको छ।लगातारको बन्द र तराई र पहाडी जिल्लामा असुरक्षाका कारण स्थल मार्ग प्रयोग नगराई उनीहरुलाई हेलिकोप्टरबाट सम्बन्धित स्थानसम्म पठाउन लागिएको हो । सोलुखुम्बू, ओखलढुंगा, संखुवासभा, ताप्लेजुङ, खोटाङलगायतका जिल्लामा एक साताभित्र १ हजार ५ सय सुरक्षाकर्मीलाई हेलिकोप्टरबाट पठाइने सशस्त्र प्रहरीका पूर्वाञ्चल डीआइजी कृष्णकुमार तामाङले बताउनुभएको छ।त्यस्तै निर्वाचनमा खटिने कर्मचारी, मतपेटिकालगायत निर्वाचन सामग्री पनि हेलिकोप्टरबाट पठाउन थालिएको छ। चैत २८ गते हुने निर्वाचनका लागि तराईका ६ र पहाडी १० गरी १६ वटा जिल्लामा बेस क्याम्पहरु स्थापना भइसकेका छन् ।निर्वाचनका लागि झण्डै ५ हजार सशस्त्र प्रहरी, १० हजार जनपथ र २ हजार बढी म्यादी प्रहरी परिचालन गरिने भएको छ।