बारा, पर्सा, सुनसरी, सप्तरीलगायतका क्षेत्रका बिहानैबाट कर्फ्यु

बारा, पर्सा, सुनसरी, सप्तरीलगायतका क्षेत्रका बिहानैबाट कर्फ्यु


सरकारले पेट्रोलियम पदार्थ ढुवानीका लागि भन्दै विभिन्न स्थानमा मंगलबार पनि कर्फ्यु आदेश जारी गरेको छ। बारा, पर्सा, सुनसरी, सप्तरीलगायतको क्षेत्रमा स्थानीय प्रशासनले बिहान ८ बजेदेखि कर्फ्यु लगाएको हो ।वीरगञ्ज उपमहानगरपालिका क्षेत्रमा जारी गरिएको अनिश्चितकालीन कर्फ्यु पूर्वमा नेशनल मेडिकल कजेल, पश्चिममा रानीघाट, उत्तमरमा बाराको सीमा र दक्षिणमा भारतको सीमासमम्म लागु हुनेछ ।त्यस्तै बारा प्रशासनले वीरगञ्ज पथलैया करिडोरको दक्षिणमा पर्साको सीमादेखि उत्तरमा सुर्य नेपाल प्रालिसम्म मंगलबार बिहान ८ बजेदेखि अनिश्चितकालसम्मका लागि कर्फ्यु आदेश जारी गरेको छ।कर्फ्यु लगाएर इन्धन आयात गर्न झण्डै डेढ सय बढी खाली ट्याङ्कर र ग्यासका बुलेट तयारी अवस्थामा राखिएको बताइएको छ।त्यस्तै सुनसरीमा बिहानैबाट १२ घण्टे कर्फ्यु जारी गरेको छ। कोशी राजमार्गको दुहवी सोनापुर खण्डमा बिहान ७ बजेदेखि साँझ ७ बजेसम्मका लागि कर्फ्यु लगाइएको हो । त्यस्तै सप्तरीको राजविराजमा पनि बिहान ८ बजेदेखि साँझ ६ बजेसम्मका लागि कर्फ्यु आदेश जारी गरिएको छ।दुई साता लामो अनिश्चितकालीन आमहड्ताल र कर्फ्युले त्यस क्षेत्रको जनजीवन कष्टकर बनेको छ। बन्दको १४औं दिन मंगलबार पनि तराईको जनजीवन प्रभावित बनेको छ। विभिन्न स्थानमा बिहानैबाट प्रदर्शन सुरु भएका छन् भने बजार पसललगायत ठप्प प्रायः छन् ।बन्दका कारण सुनसरीमा अलपत्र ६ दर्जन बढी सवारी साधनलाई प्रहरीले स्कटिङ गरी गन्तव्यमा पुर्‍याएको जनाएको छ। यस्तै भारतको जोगवनीमा रोकिएका दुई दर्जन बढी कन्टेनरलाई सुनसरी मोरङ औद्योगिक करिडोर पुर्‍याइएको छ।यसैबीच पूर्वी तराईमा एम्बुलेन्स लगायत अत्यावश्यकीय सवारी साधनमाथि आक्रमणको विरोधमा व्यवसायीहरुले मंगलबारबाट पुनः सेवा अवरुद्ध गरेका छन् । आफ्नै प्रतिवद्धताविपरीत प्रदर्शनकारीले सोमबार झापाको दमकमा पुनः एउटा एम्बुलेन्स तोडफोड गरेका थिए । इटहरी, झुक्का, धरान र इनरुवा, सप्तरी, सिराह, विराटनगर लगायत दर्जनौं एम्बुलेन्स सेवा रोकिएका छन् ।यसैबीच सुनसरीको दुहवीमा प्रहरीको गोली लागी सोमबार घाइते भएका मधेशी जनअधिकार फोरम मधेशका राजेन्द्रकुमार विश्वास, गोपाल साह, अमर अग्रहरि र जाकिर मियाँको गम्भीर अवस्थामा धरानमा उपचार भइरहेको छ। मियाँको टाउकोमा, साहको छातीमा, विश्वासको खुट्टामा र अग्रहरिको हातमा गोली लागेको बताइएको छ।