उम्मेदवार दर्ता आरम्भ

उम्मेदवार दर्ता आरम्भ

संविधान सभा निर्वाचनका लागि प्रत्यक्ष निर्वाचन प्रणालीअन्तर्गत उम्मेदवार दर्ता आरम्भ भएको छ । १३ फागुनमा देशभरका ७५ वटै जिल्लामा एकसाथ उम्मेदवार दर्ता आरम्भ भएको हो ।
प्रत्यक्ष निर्वाचन प्रणाली अन्र्तगत २४० क्षेत्रमा सम्बन्धित जिल्लास्थित निर्वाचन कार्यालयमा उम्मेदवारी दर्ता गर्ने व्यवस्था मिलाइएको छ । प्रमुख दलहरुले आ-आफ्नो उम्मेदवार तय गरिसकेका छन् । नेपाली कांग्रेसले भने नुवाकोटमा उम्मेदवारको टुंगो लगाएको छैन । विवाद उत्पन्न भएपछि कुरा मिलाउन प्रमुख नेताहरु छलफलमा व्यस्त छन् । उम्मेदवार दर्ताका लगि देशभरका जिल्ला सदरमुकामहरुमा चहलपहल बढेको छ । नेताहरु जिल्लामा पुगेका छन् । झण्डै एक दशकपछि मुलुक चुनावमय बनेको आभाष मिलेको छ ।
तर्राईका जिल्लामा सुरक्षा कडा पारिएको छ । सप्तरी, सर्लाही, नवलपरासी, कपिलवस्तु, पर्सालगायतका जिल्लामा सीमा बन्द गरिएको छ । हिंसात्मक घटना हुनसक्ने आशंकामा सुरक्षा कडा पारिएको छ । कतिपय जिल्लामा निषेधाज्ञा जारी गरिएको छ ।