चुनाव बिथोल्नेमाथि कारबाही हुन्छ-महरा

चुनाव बिथोल्नेमाथि कारबाही हुन्छ-महरा

सूचना तथा सञ्चारमन्त्री कृष्णबहादुर महराले अब संविधानसभा चुनाव विथोल्नेका विरुद्ध सरकारले प्रशासनिक कारवाही अघि बढाउने बताउनुभएको छ । संविधानसभा निर्वाचन हु"दैन भन्ने आशंका समाप्त भएको दाबी गर्दै सिंगो देश चुनावमा होमिइसकेकाले चुनावलाई समर्थन गर्नुबाहेकको विकल्प कसैसंग नरहेको बताउनुभयो ।
क्रान्तिकारी पत्रकार संघ दाङले १४ फागुनको विहान घोराहीमा गरेको पत्रकार भेटघाटमा उहाँले हिजो भएको उम्मेद्वारी दर्ताले अब संविधान सभाको चुनाव सुनिश्चत भएको बताउनुभयो । मन्त्री महराले भन्नुभयो- 'मधेशी जनताको तर्फबाट निर्वाचनका लागि उम्मेदवारी आइसक्यो, यसलाई समर्थन नगर्नु अराजकता फैलाउनु मात्र हो । सरकार अराजकता फैलाउने तत्वलाई प्रश्रय दिन सक्दैन, प्रशासनिक कारवाही पनि हुन सक्छ ।'
'कतिपय स्थानमा अवरोधको प्रयास भए पनि हिजो देशभरि सौहार्दपूर्ण तरीकाले उम्मेदवारी दर्ता भएका छन्'- उहा"ले भन्नुभयो- 'यसबाट अब निर्वाचन हु"दैन कि भन्ने अन्योलको अन्त्य भएको छ ।'