बन्दको विरोधमा अनिश्चितकालीन बन्द आव्हान

बन्दको विरोधमा अनिश्चितकालीन बन्द आव्हान

संघीय लोकतान्त्रिक राष्ट्रिय मञ्चअन्तर्गतको संघीय लिम्बूवान राज्य परिषदले आव्हान गरेको १२ दिनदेखिको बन्दको विरोधमा पाँचथरका व्यापारीहरुले आइतबार बजार तथा यातायात बन्दको घोषणा गरेका छन् ।पाँचथर उद्योग वाणिज्य संघको अगुवाईमा फिदिमका व्यापारीहरुको भेलाले यस्तो निर्णय गरेको हो । सर्वपक्षीय बैठकमा लिम्बूवानले बजार खुलाउन सहमति जनाए पनि आइतबार बिहान माइकिङ्ग गरी बन्द गर्न दबाव दिएकाले व्यापारीहरुले नै बन्द गरेका हुन् ।व्यापारीहरुको आव्हानपछि सदरमुकाम र आसपासका बजारहरु पूर्ण रुपमा बन्द भएका थिए ।उद्योग वाणिज्य संघका अध्यक्ष मित्रप्रसाद काफ्लेले व्यापार व्यवसायमा शान्ति सुरक्षाको पूर्ण प्रत्याभूति नभएसम्म बन्द जारी रहने बताउनुभयो ।