गणतान्त्रिक मोर्चा र सरकारबीच आज पनि वार्ता हुने

गणतान्त्रिक मोर्चा र सरकारबीच आज पनि वार्ता हुने

पूर्वी तराई र पहाडी जिल्लामा आन्दोलनरत संघीय गणतान्त्रिक राष्ट्रिय मोर्चा र सरकारबीच आज पनि पुनः वार्ता हुने भएको छ।तीत सूत्रीय माग राखी पूर्वी पहाड र तराईका विभिन्न जिल्लामा आन्दोलनरत मोर्चाको निर्वाचन प्रणालीको मागमा सरकारी पक्ष सहमत हुन नसकेपछि बिहीबारको वार्ता पनि निष्कर्षमा पुग्न सकेको थिएन ।सहमतिमा पुग्ने अन्तिम प्रयासस्वरुप शुक्रबार बिहान ११ बजे ललितपुरको पाटनढोकास्थित यलमाया केन्द्रमा वार्ता हुने मोर्चामा आवद्ध संघीय लिम्बूवान राज्य परिषदका अध्यक्ष कुमार लिङ्देनले जानकारी दिनुभयो ।मोर्चाले अब हुने सहमतिको संवैधानिक ग्यारेन्टी माग गर्दा शान्ति तथा पुनः निर्माण मन्त्री रामचन्द्र पौडेलले त्यसमा सहमति नजनाएपछि बिहीबारको वार्ता बिना निष्कर्ष सकिएको थियो । मोर्चाले जातीय जनसंख्याको आधारमा पूर्ण समानुपातिक निर्वाचन प्रणालीको मागलाई प्रमुखताका साथ उठाइएको छ।