सप्तरीमा कर्फ्यु उल्लंघन गर्दै बिहानैबाट प्रदर्शन
संविधानसभा निर्वाचनका लागि मनोनयन दर्ता गर्ने क्रममा सोमबार भएको झडपमा एक प्रदर्शनकारीको मृत्यु भएपछि दोस्रो दिन पनि सप्तरीको राजविराजमा बिहानैबाट झडप सुरु भएको छ। स्थानीय प्रशासनले कर्फ्यु आदेश जारी गरे पनि कर्फ्यु उल्लंघन गर्दै बिहानैबाट प्रदर्शन भइरहेको बताइएको छ।स्थानीय प्रशासनले बिहानैबाट कर्फ्यु लगाए पनि राजविराजमा प्रदर्शन भइरहेको छ। सोमबार त्यहाँ गुल्चन दासको प्रहरीको गोली लागी मृत्यु भएको थियो । राजविराजका विभिन्न स्थानमा बिहानैबाट सडकमा टायर बालेर प्रदर्शन भइरहेको छ।राजविराजको गुनौली मोड भन्ने स्थानमा प्रदर्शनकारीसँग भएको झडपमा प्रहरीले आधा दर्जन बढी हवाई फायर गरेको बताइएको छ। त्यस्तै प्रदर्शनकारीहरुले राजविराजबाहिर भारदह, टोपा बजार, हनुमान नगर, कञ्चनपुरमा पनि प्रदर्शन भइरहेको छ।
Subscribe to:
Post Comments (Atom)
No comments:
Post a Comment