नेपालमा पाँच प्रतिशतको मृत्यु ध्वनि प्रदुषणबाट

नेपालमा पाँच प्रतिशतको मृत्यु ध्वनि प्रदुषणबाट


नेपालका पाँच प्रतिशत मानिसको मृत्यु वायु प्रदुषणबाट हुने गरेको छ । काठमाडौंमा मात्रै प्रतिवर्ष १ हजार ६ सय जना वायु प्रदूषणबाट हुने रोगका कारण मृत्युको मुखमा पर्ने गरेका छन् ।नेपाल वातावरण पत्रकार समूहले बुधबार काठमाडौंमा आयोजना गरेको अन्तर्क्रियामा सहभागीहरुले वायु प्रदुषण दिनप्रतिदिन बढिरहेकाले मृत्यु हुनेको संख्या पनि बढिरहेको बताएका छन् ।काठमाडौंमा ३० प्रतिशत वायु प्रदूषण इँट्टाभट्टाका कारण हुने गरेको छ । लगभग सत्तरी प्रतिशत प्रदूषण यातायातका साधनबाट निस्कने धुवाँबाट हुने गरेको छ ।काठमाडौंमा चल्ने करिब साढे तीन लाख यातायातका साधनले बाषिर्क ३५ देखि ४० हजार टन घातक विषादि उत्पादन गरिरहेको कार्यक्रममा जानकारी दिइएको छ ।यसबाट श्वासप्रश्वाससम्बन्धी रोगबाट मानिस बढि प्रभावित हुने गरेका छन् । प्रदूषणका कारण काठमाडौंमा मात्रै बार्षिक २० हजार दमका रोगी र पाँच हजार लहरेखोकीका रोगी थपिरहेका छन् । काठमाडौं उपत्यकाभित्र अहिले ४ सय ईट्टाभट्टा सञ्चालनमा छन् ।भक्तपुरमा मात्रै ७९ वटा छन् । तीमध्ये ४६ वटामात्रै घरेलु तथा साना उद्योगमा दर्ता भएका छन् । अवैध रुपमा सञ्चालित भट्टाहरुले प्रदूषण बढिरहेको जनाइएको छ ।सरकारले अवैध रुपमा सञ्चालन गरिएका भट्टा हटाइ सुधारिएको भीएसबी के प्रविधि प्रयोग गर्न आग्रह गरे पनि पूर्णतः ब्यवहारमा लागु हुन सकेको छैन । यो प्रविधि प्रयोग गर्ने भट्टाहरुमा प्रदूषण घटेको छ ।कार्यक्रममा वातावरणविद् भूषण तुलाधर र सञ्जीव प्रधानले वातावरणीय प्रभावबारे कार्यपत्र पेश गर्नुभएको थियो ।